مرت على بالي (حبيبتي)

   

حبيبتي مرّت على بالي اليوم
وقفت تقديرٍ لها يوم مرّت
جابت لي الفرحة وأنا كنت مهموم
الظاهر انها عن علومي تحرّت ..
وفراقها كوّن في خفّاقي غيوم
أمطارها على الفيافي لومرّت
تنبت من الأزهار ماكان معدوم
وتسرّ نفسٍ من زمن ما استسرّت ..
 
في حبّها حسادي تكثر اللّوم
وهي ورا عوج الضلوع استقرّت
أحلم بها واطيح في النوم واقوم
فرحان لكن فرحتي ما استمرّت ..
إلَى صحيت أعاتب الحظ وألوم
الأيام والأيام منها تبرّت
الهجر طعنة خاين بسيف مسموم
نفسه على فعل الخيانة تضرّت ..
 
ومن يحرم من العشق يعيش محروم
كم روح من قلّ الوصال استضرّت
لاجيت أنام النفس ماتعشق النوم
حاولت أقنعها لكنها أصرّت ..
تبغى حبيبة قلبي الغالية دوم
تمرّ في بالي و أوقف لامرّت
حبيبتي مرّت على بالي اليوم
وقفت تقديرٍ لها يوم مرّت ..