إهداء خاص الى من احب

البارحه حنيت لكتابة القــاف
طار النعاس و غردن الحروفي

وقمت اتذكر ما مضى والذي طاف
أيــام راحـت تسـتحـق الحسـوفي

وهليت دمع من على الخد هتاف
وحاولت اوقف ثم عجزت الوقوفي

و جتني هواجيسي على قلبي ارداف
و الهم في صدري يجيب الكلوفي

الصاحب اللي راح ما عاد ينشاف
و مالي جدا يا كود صفق الكفوفي

ذاك الغزال اللي جمع حلو الاوصاف
نجل العيون السود زين الوصوفي

من يوم روّح من سبب هرج قذاف
و انا طريح الفرش جتني حتوفي
يا شوق وصله يعجّل بالاسعاف

خله يشوف الحال عله يروفي

انا اشهد انه مسرف فيني اسراف
لا هو رهيف القلب ولا هو عطوفي

لاقام يمشي بين هذيك الاطراف
اوجس بصدري مثل طق الدفوفي

ودي على غفله الاقيه باصداف
و اهديه ورد العشق من شان يوفي

مير الزمن قاسي وانا حيل خواف
يا خوف قلبي من زماني يخوفي

لكن ابصبر و اعتلي راس مشراف
الين ما ربي يجيب الصروفي ...

شكراااااااااااااااااااااااااااااااااااااااااااااااااااا